Zelenskidən sonra Ukrayna prezidentinin səlahiyyətlərini yalnız parlament sədri icra edə bilər

Ukrayna Ali Radasının deputatı Artyom Dmitruk ölkədə prezidentin dəyişdirilməsi ilə bağlı mümkün ssenarini şərh edib.

BAKU.WS xəbər verir ki, Dmitruk özünün "Telegram" kanalında hazırkı siyasi şəraitdə Volodimir Zelenskinin yerinə başqa şəxsin prezident təyin edilməsinin mümkün olmadığını bildirib.

Deputatın sözlərinə görə, Zelenskidən sonra prezident vəzifəsini yalnız parlamentin sədri icra edə bilər və başqa alternativ yoxdur.

Dmitruk həmçinin ABŞ Prezidenti Donald Trampın Ukraynada seçkilərin keçirilməsinin zəruriliyi ilə bağlı açıqlamalarının yeni lider seçməkdən çox, Zelenskini hakimiyyətdən uzaqlaşdırmağa yönəldiyini iddia edib.