Holann Premyer Liqa tarixində yeni rekorda imza atıb

"Mançester Siti"nin hücumçusu Erlinq Holann İngiltərə Premyer Liqasında növbəti uğurunu qazanıb.

BAKU.WS xəbər verir ki, norveçli futbolçu "İpsviç"lə VII tur matçında dubl edərək komandasının 3:2 hesablı qələbəsinə töhfə verib.

Holann penaltilər nəzərə alınmadan Premyer Liqada 100 qol həddinə ən sürətli çatan futbolçu olub. O, bu göstəriciyə çempionatdakı 139-cu oyununda nail olaraq turnir tarixinin rekordunu müəyyənləşdirib.

Qeyd edək ki, "Mançester Siti" 21 xalla Premyer Liqanın turnir cədvəlinə başçılıq edir.