Zelenskidən Donbasdan qoşunların çıxarılması məsələsinə MÜNASİBƏT

Ukrayna Prezidenti Volodimir Zelenski Donbas ərazilərindən imtina edərək onların Rusiyaya verilməsinin ölkə daxilində ciddi parçalanma yaradacağını bəyan edib.

BAKU.WS xəbər verir ki, o, bu fikirləri BBC-yə müsahibəsində səsləndirib.

"Bunu mən dəstəkdən imtina kimi qəbul edirəm - mövqelərimizin zəiflədilməsi, orada yaşayan yüz minlərlə vətəndaşımıza dəstəkdən imtina kimi. Mən bunu belə görürəm. Əminəm ki, belə bir addım cəmiyyətimizi parçalayacaq", - deyə Zelenski vurğulayıb.

Onun sözlərinə görə, belə bir ssenari yalnız döyüş əməliyyatlarının müvəqqəti dayanmasına gətirib çıxara bilər, lakin problemin köklü həllini təmin etməz.