Yekaterinburqdan Türkiyəyə uçuş 12 saat gecikdi

Yekaterinburqdakı (Koltsovo) hava limanında Azur Air aviaşirkətinə məxsus Türkiyəyə uçuş 12 saatlıq gecikmə ilə həyata keçirildi.

BAKU.WS xəbər verir ki, bu barədə E1.RU portalı məlumat yayıb.

ZF-1041 reysi 8 oktyabr tarixində saat 03:35-də Antaliyaya uçmalı idi. Lakin texniki problem səbəbindən uçuş saat 16:00-a təxirə salındı. Gözləmə zalında yüzlərlə sərnişin yığışıb.

Məlumata görə, sərnişinlərə yemək təmin olunmayıb, hotellə yerləşdirmə təşkil edilməyib, yalnız su verilib. Aviaşirkət nümayəndəsinin sözlərinə görə, uçuşun gecikməsinə səbəb qanad flapsının sıradan çıxmasıdır və zədələnmiş hissənin Moskvadan gətiriləcəyi bildirilib.

Ural Nəqliyyat Prokurorluğunun mətbuat xidməti açıqlayıb ki, hadisə ilə bağlı uçuş təhlükəsizliyi və sərnişin hüquqlarının qorunması sahəsində nəzarət tədbirləri həyata keçirilir. Bildirilir ki, sərnişinlərin hotellərə yerləşdirilməsi və yemək təminatı təşkil olunur.

Qeyd edək ki, sentyabrın sonunda Azur Air-in Yekaterinburq–Antaliya reysi 16 saat gecikmişdi. Həmin vaxt gecikməyə səbəb təyyarənin dəyişdirilməsi göstərilmişdi.