Vəzifədəykən ayda 20 min avro alan Angela Merkel kitabından 20 milyon avro qazandı

Almaniyanın keçmiş kansleri Angela Merkel satışa çıxarılan "Freiheit" adlı kitabından sərvət əldə edib.

BAKU.WS xəbər verir ki, siyasətçi Almaniyanın kansleri vəzifəsində çalışarkən ayda 20 000 avro qazancı var idi. Kitabının satışından isə 20 milyon avro gəlir əldə edib.

Kitabı nəşr edən nəşriyyat gəlirin 40 milyon avronu keçəcəyini bildirib.

736 səhifəlik kitab oxuculara təqdim olunduğu ilk gündən böyük marağa səbəb olub.

Kitabda qardaş ölkə Türkiyə ilə bağlı da bəzi yazılar qeyd olunub. Ekspertlər hesab edir ki, kitab tez zamanda dünyanın bir neçə dilinə də tərcümə edilərək daha geniş oxucu kütləsinə sahib olacaq.

Onu dərc edən nəşriyyat kitabın möhtəşəm olduğunu vurğulayıb.