Ukrayna Rusiya ilə yeni görüşün iyunun 20-dən 30-dək keçirilməsini təklif edib

Ukrayna Rusiya ilə yeni görüşün iyunun 20-dən 30-dək keçirilməsini təklif edib.

BAKU.WS "Report"a istinadən xəbər verir ki, bunu İstanbulda Rusiya ilə danışıqların ikinci raundunda Ukrayna nümayəndə heyətinə rəhbərlik edən müdafiə naziri Rüstəm Umerov bildirib.

"Biz görüşün ayın sonunadək, iyunun 20-dən 30-dək keçirilməsini təklif etdik", - o, "Rada" telekanalının yayımladığı mətbuat konfransında qeyd edib.

Bu gün İstanbulda Rusiya və Ukrayna nümayəndə heyətləri arasında danışıqlar başa çatıb. Tərəflər iki ölkənin liderlərinin görüşünün təşkili, əsir mübadiləsi və atəşkəslə bağlı məsələləri müzakirə ediblər.