Türkiyədə zəlzələ baş verdi

Türkiyədə baş verən zəlzələ insanlar arasında panikaya səbəb olub.

BAKU.WS Türkiyə mətbuatına istinadən xəbər verir ki, Egey dənizində, İzmirdə Dikili rayonunun açıqlarında 4 bal gücündə zəlzələ baş verib.

Fövqəladə Hallar və Fəlakətlərin İdarə Edilməsi Agentliyinin (AFAD) məlumatına görə, Egey dənizində episentri İzmirdə Dikili rayonunun açıqlarında olan 4.0 bal gücündə zəlzələ qeydə alınıb. Zəlzələ Türkiyə vaxtı ilə saat 17:09-da yerin 10,67 kilometr dərinliyində baş verib.

ƏTRAF ŞƏHƏRLƏRDƏ DƏ HİSS EDİLDİ

Zəlzələ İzmirin bir sıra bölgələri kimi ətraf şəhərlərdə də hiss olunub.