Türkiyədə dəmir-polad fabrikində partlayış olub

Türkiyənin Bartın şəhərində dəmir-polad fabrikində qırıntıların əridildiyi sobada baş verən partlayışda 10 işçi yaralanıb.

BAKU.WS türk mediasına istinadən xəbər verir ki, hadisə səhər saat 10 radələrində baş verib.

Partlayış naməlum səbəbdən baş verib.

Partlayışdan sonra fabrikə tibbi yardım və yanğınsöndürmə qrupları göndərilib. Yaralılar təcili tibbi yardım maşını ilə xəstəxanaya aparılıb. İşçilərin vəziyyətinin yaxşı olduğu bildirilir.

Partlayışla bağlı araşdırmalara başlanılıb.