Türkiyədə 4 bal gücündə zəlzələ olub

Bursanın Nilüfer rayonunda 4 bal gücündə zəlzələ baş verib. Zəlzələ ətraf vilayətlərdə də hiss olunub.

BAKU.WS xəbər verir ki, Türkiyənin Fövqəladə Hallar və Təbii Fəlakətlərin İdarə Edilməsi Agentliyinin (AFAD) internet səhifəsində yer alan məlumata görə, yerli vaxtla saat 13:43-də, 4 bal gücündə qeydə alınan təkanlar yerin təxminən 9,74 kilometr dərinliyində baş verib.

Zəlzələ ətraf vilayətlərdə də hiss olunub. Zəlzələ zamanı bəzi vətəndaşlar evlərini tərk edib.

İlkin məlumatlara görə, zəlzələ nəticəsində hər hansı bir mənfi hal qeydə alınmayıb.