Türkiyə XİN rəhbəri İrana hava məkanının pozulmasının qəbuledilməz olduğunu bildirib

Türkiyənin xarici işlər naziri Hakan Fidan iranlı həmkarı Abbas Əraqçi ilə telefon danışığı zamanı Türkiyə hava məkanının pozulmasının qəbuledilməz olduğunu bildirib.

BAKU.WS xəbər verir ki, Fidan belə halların qarşısını almaq üçün Türkiyənin zəruri tədbirlər görəcəyini vurğulayıb.

Bu xəbərdarlıq Türkiyənin Milli Müdafiə Nazirliyinin NATO hava hücumundan müdafiə sistemlərinin bir ballistik raketi ələ keçirdiyini açıqlamasından bir gün sonra edilib.

Xatırladaq ki, Əraqçi əvvəlki İran açıqlamalarını təkrarlayaraq raketin İran ərazisindən buraxılmadığını deyib və hadisə ilə bağlı hərtərəfli araşdırma aparılacağına söz verib.

Qeyd edək ki, bu insident ABŞ və İsrailin İrana qarşı fevralın 28-də başladığı müharibədən sonra Türkiyə istiqamətinə ballistik raketin atılması ilə bağlı ikinci haldır.