Türkiyə millisinin və "Fənərbağça"nın keçmiş futbolçusu saxlanıldı

İstanbul Fond Birjasında müəyyən səhmlərdə süni qiymət dəyişiklikləri yaradaraq spekulyasiya aparıldığı müəyyən edildikdən sonra şübhəlilərə qarşı əməliyyat keçirilib.

BAKU.WS xəbər verir ki, İstanbul mərkəzli 5 şəhərdə aparılan əməliyyatlar nəticəsində illüzyonist Aref Qafuri və keçmiş futbolçu Gökhan Gönül də daxil olmaqla 12 nəfər saxlanılıb.

İstanbul Respublika Baş Prokurorluğunun apardığı istintaq çərçivəsində, Türkiyə Kapital Bazarları Şurasının (SPK) hesabatlarında bəzi səhmlərdə süni qiymət və həcm dalğalanmaları yaradıldığı, bununla da bazarda manipulyasiya həyata keçirildiyi müəyyən edilib. Araşdırmada şübhəlilərin "cinayət məqsədi ilə təşkilat qurmaq" və "məlumata əsaslanan bazar dələduzluğu" kimi əməli törətdikləri qənaətinə gəlinib.

Açıqlamada qeyd edilib ki, şübhəlilər Onur Yılmaz, Mehmet Yılmaz, Emre Kızılırmak, Erol Demir, Osman Özsoy, Suat Hamarat və Sebahattin Azizağaoğlu hazırda həbsdədir. Keçmiş futbolçular Gökhan Gönül, Aref Ghafouri, Bedri Erdoğan, Camal Çetinkaya, Furkan Koçak, Alper Atalay, İlker İlhan, Muhammet Erdoğan, Murat Ağcabağ, Murat Güler, Emrullah Şalk və Akif Koç da saxlanılıb.

Bəyanatda həmçinin qeyd olunur ki, altı şübhəli haqqında həbs qərarı verilib və axtarış və müsadirə prosedurları davam edir.