Tacikistanda sosial şəbəkələrdə "like" qoymağa görə cinayət məsuliyyəti ləğv edilib

Tacikistan Prezidenti Emoməli Rəhmon internetdə "like" (bəyənmə) qoymağa görə cinayət məsuliyyətini aradan qaldıran qanunu imzalayıb.

BAKU.WS ntv-yə istinadən xəbər verir ki, bu barədə dövlət başçısının mətbuat xidməti məlumat yayıb.

Qeyd olunur ki, Rəhmon hələ 2024-cü ilin dekabrında parlamentə illik müraciəti zamanı bu məsələni tənqid etmiş və ölkənin Cinayət Məcəlləsində sosial şəbəkələrdə "like" qoymağa görə vətəndaşların cinayət məsuliyyətinə cəlb edilməsini doğru saymadığını bildirmişdi.

Tacikistan Baş Prokurorluğunun məlumatına görə, həmin maddə üzrə indiyədək azı 500 nəfər məhkum olunub.