Suriyalılar "yolka" yandırıldıqdan sonra küçələrə axışdılar

Suriyalılar Milad ağacını yandırdıqdan sonra etiraz aksiyası keçiriblər.

BAKU.WS "Sky News"a istinadən xəbər verir ki, etiraz aksiyalrı çərşənbə axşamı Dəməşqin xristian bölgələrində keçirilib.

Həma əyalətinin şimalında yerləşən xristianların yaşadığı Skalbiya qəsəbəsində əcnəbi silahlıların Milad ağacını yandırmasından sonra nümayişçilərin Suriya paytaxtının küçələrinə axışdığı dəqiqləşir.

Bildirilir ki, aksiya iştirakçıları xüsusilə respublikada xristianların hüquqlarının təmin edilməsi tələbi ilə şüar səsləndiriblər.

"The Guardian" öz növbəsində xəbər verir ki, suriyalı xristianlar odlu silah və bıçaqla silahlanıb və bütün miqrantların respublika ərazisindən çıxarılmasını tələb edirlər.

Qeyd edək ki, bu gün əvvəl Suriya hakimiyyəti katolik Milad bayramını istirahət günü elan edib.