Suriyada dəhşətli avtobus qəzası: Çox sayda ÖLƏN VƏ YARALILAR VAR

Suriyanın şərqində iki sərnişin avtobusunun iştirakı ilə baş verən yol-nəqliyyat hadisəsi nəticəsində ən azı 35 nəfər həyatını itirib, 30 nəfər isə müxtəlif dərəcəli bədən xəsarətləri alıb.

BAKU.WS Oxu.Az-a istinadən xəbər verir ki, bu barədə "Al Jazeera" agentliyi məlumat yayıb.

Bildirilib ki, ağır qəza Dəməşq və Deyr-əz-Zor şəhərlərini birləşdirən magistral yolda qeydə alınıb.

Qeyd olunur ki, yaralıların Homs şəhərində yerləşən hərbi hospitala təxliyə edilməsi məqsədilə Suriyanın Müdafiə Nazirliyi tərəfindən hadisə yerinə bir neçə helikopter cəlb edilib.