Şimali Koreyanın ən böyük hərbi gəmisinin peyk görüntüləri yayılıb

Peyk görüntüləri Şimali Koreyanın indiyə qədər istehsal etdiyi ən böyük və müasir hərbi gəmini nümayiş etdirib.

BAKU.WS haberler.com-a istinadən xəbər verir ki, 140 metr uzunluğunda olan idarəolunan raketlərlə təchiz edilmiş freqatın Nampo gəmiqayırma zavodunda inşa olunduğu məlum olub. Analitiklər gəminin silah sistemlərinin hələ tam qurulmadığını, lakin müasir şaquli raket buraxılış qurğuları və radarlarla təchiz ediləcəyini bildirir.

Rusiya tərəfindən texnoloji dəstək göstərildiyi ehtimal olunur ki, bu da ABŞ və müttəfiqlərində narahatlıq doğurur. Gəmi Şimali Koreyanın dəniz qüvvələrindəki digər gəmilərdən iki dəfə böyükdür və Pxenyanın hərbi modernləşdirmə səylərinin bir hissəsi kimi qiymətləndirilir.