SAXAL Hizbullahın qızıl-valyuta ehtiyatlarının yerini açıqlayıb

İsrail Müdafiə Qüvvələrinin (SAXAL) nümayəndələri Hizbullahın qızıl-valyuta ehtiyatlarının yerini müəyyənləşdirdiklərini bildirib.

BAKU.WS RİA Novosti-yə istinadən xəbər verir ki, SAXAL-ın məlumatına görə, Livanın şiə təşkilatının ehtiyatları Livanın paytaxtı Beyrutda xəstəxananın altındakı bunkerdə saxlanılır.

SAXAL bunkerdə 0,5 milyard dollar pul və qızıl külçəsi olduğunu iddia edir. Bu bəyanatı ötən bazar ertəsi SAXAL-ın sözçüsü Daniel Hagari verib.

O, İsrail Hərbi Hava Qüvvələrinin bazar günündən bazar ertəsinə keçən gecə Hizbullahın maliyyə infrastruktur obyektlərinə hücumlarını şərh edib və biri Beyrutun mərkəzindəki Əl-Sahel xəstəxanasının binasının altında yerləşən digər obyektlərin 3D modellərini nümayiş etdirib.

Bunker Beyrutun mərkəzində - Dahiyadakı Əl-Sahel xəstəxanasının birbaşa altında yerləşir.

Binanın hər iki tərəfində bunkerə aparan tunelə giriş və çıxışı görmək olar. Otaqları, çarpayıları, uzunmüddətli qalmaq üçün infrastrukturu və yeraltından döyüş əməliyyatları aparmaq imkanı var. Bu bunkerdə ən azı yarım milyard dollar pul və qızılın saxlandığını təxmin edirik. Bu pul Livan dövlətini bərpa etmək üçün istifadə oluna bilər", - deyə Hagari bildirib.