Şahzadə Uilyam və Ketrin Middltonun gizli tətilindən fotosu yayıldı

Şahzadə Uilyam və Ketrin Middlton uşaqları ilə birlikdə Fransada gizli istirahətdə görüntülənib.

BAKU.WS xəbər verir ki, şəkillər "Paris Match" nəşrinin saytında dərc olunub.

Uels şahzadəsi övladları ilə birlikdə Kurşovel dağ-xizək kurortunda görülüb. Məlumata görə, kral ailəsinin üzvləri dostlarına məxsus, meşələrin birinin kənarında yerləşən sadə bir şaledə qalıblar.

Paparassilər Ketrin Middltonun 11 yaşlı şahzadə Corc, 9 yaşlı şahzadə Şarlotta və 6 yaşlı şahzadə Lui ilə birlikdə xizək sürdüyü anları lentə alıblar. Nəşrdə həmçinin şahzadə Uilyamın təlimçi tərəfindən hədiyyə edilən bir şərab şüşəsini diqqətlə seyr etdiyi fotolar da yer alıb.