Sahildən partlayıcı maddə tapıldı - Yaxınlıqdakı restoran boşaldıldı

İstanbulun Arnavutköy sahilində balıqçılardan biri içində partlayıcı maddə olan dəmir paket tapıb.

BAKU.WS xəbər verir ki, hadisə ötən gün günorta saatlarında baş verib. Dəmir paketi sahilə çəkmək üçün jandarma çağırılıb. Onun üstündə bir-birinə bağlı şəkildə olan iki partlayıcı maddə aşkarlanıb.

Ətrafdakı sakinlər təhlükəsizliyə görə ərazidən uzaqlaşdırılıb.

Hadisə şahidlərindən biri yaşananları belə xatırlayır:

"Saat 15:00 radələrində sahilə gələn balıqçı gördük. Gəminin arxasına bir şey bağlanmışdı. Onu çətinliklə çəkirdi. Çəkə-çəkə sahilə gətirdi. Biz onu maşına bağladıq ki, quruya çıxsın.

O anda partlayıcı görünmürdü. Daha sonra partlayıcılar ortaya çıxdı. Jandarmaya xəbər verdik. Hətta yaxınlıqdakı restoranı da boşaltdılar. İş 4-5 saat çəkdi. Böyük bir dəmir paket və içində partlayıcı var".