Sadettin Saran narkotik işi çərçivəsində ifadə verib, məhkəmə qərarı ilə şərti azadlığa buraxılıb

Fenerbahçe Futbol Klubunun prezidenti Sadettin Saran İstanbul Prokurorluğu tərəfindən aparılan narkotik işi ilə bağlı "şübhəli" qismində ifadəyə çağırılıb. O, gecə saatlarında xaricdən ölkəyə qayıdaraq xüsusi təyyarə ilə İstanbulda enib və təxminən iki saat ifadə verib.

BAKU.WS xəbər verir ki, istintaq çərçivəsində Sarandan qan və saç nümunələri götürülmək üçün o, Ədli Tibb İnstitutuna göndərilib. Prosedurların tamamlanmasının ardından o, yenidən məhkəməyə çıxarılıb.

Hakimlik Sarana qarşı xaricə çıxış qadağası tətbiq edərək onu məhkəmə nəzarəti altında azadlığa buraxıb. Qərardan sonra Saran Fenerbahçənin Eyüpsporla səfər oyununu izləmək üçün Atatürk Olimpiya Stadionuna yollanıb.