Rusiyanın bu bölgəsində miqrantlara 2 sektorda işləmək qadağan edilib

Rusiyanın Rostov vilayətində əcnəbi mütəxəssislərin iki iqtisadi sektorda işləməsi qadağan edilib.

BAKU.WS lenta.ru-ya istinadən xəbər verir ki, müvafiq sərəncamı Rusiya vilayətinin qubernatoru səlahiyyətlərini icra edən Yuri Slyusar imzalayıb.

Sənəddə qeyd olunub ki, miqrantların metallurgiya istehsalı müəssisələrində, eləcə də idman zallarında işlə təmin olunması qadağandır.

"Qərar Rusiya vətəndaşlarının prioritet məşğulluğunun təmin edilməsinə yönəlib", - deyə vilayət administrasiyası izah edib.