Rusiyada 30-dan çox miqrant hərbi komissarlığa aparılıb

Rusiyanın Nijni Novqorod şəhərində yerləşən Kanavinski rayonundakı yataqxanaya basqından sonra yerli vətəndaşlığı almış, lakin hərbi xidmət üçün qeydiyyatdan keçməmiş 30-dan çox əcnəbi hərbi komissarlığa aparılıb.

Bu barədə Rusiya Federasiyası İstintaq Komitəsinin Nijni Novqorod qarnizonu üzrə hərbi istintaq idarəsi məlumat yayıb. 

Qordeyevskaya küçəsində yerləşən yataqxananın ərazisində keçirilən profilaktik reyd zamanı 250-dən çox xarici ölkə vətəndaşı müəyyən edilib.

Onlardan 30-dan çoxu Rusiya vətəndaşlığını almasına baxmayaraq, hərbi xidmət üçün qeydiyyatdan keçməyib.

Saxlanılanların hamısı rayon hərbi komissarlığına təhvil verilib.