QR kodla dostunun yerinə dərsə girən gənc tutuldu

Moskva Dövlət Texniki Universitetində (Bauman) 18 yaşlı gənc saxtakarlıqla tutulub.

BAKU.WS gazeta.ru-ya istinadən xəbər verir ki, o, dərslərə dostu əvəzinə girməyə çalışıb.

Rusiya Milli Qvardiyası bildirib ki, universitetdən siqnal daxil olub. Məlum olub ki, gənc dostunun QR kodundan istifadə edərək universitetə daxil olub.

Təhlükəsizlik xidməti onu dərhal saxlayıb və polis şöbəsinə aparıb.

Hadisə, tələbələrin bir-birinin əvəzinə dərslərə girərək QR kodlardan sui-istifadəsi məsələsini gündəmə gətirib.