Qəzzada ölənlərin sayı 45 min 514-ə yüksəlib

İsrailin Qəzza zolağında həyata keçirdiyi hərbi əməliyyatlar nəticəsində son 24 saatda 30 nəfər ölüb, ümumilikdə can itkisi 45 min 514-ə yüksəlib.

BAKU.WS xəbər verir ki, bu barədə Qəzzadakı Fələstin Səhiyyə Nazirliyi məlumat yayıb.

Bildirilib ki, son sutkada yaralıların sayı 99 nəfərdir.

Bəyanatda həmçinin dağıntılar altında hələ də ölənlərin olduğu, lakin tibbi xidmət göstərən qrupların və mülki müdafiə işçilərinin cəsədlərə çata bilmədiyi qeyd olunub.