Qazaxıstanın cənubunda daha bir zəlzələ baş verib

Qazaxıstanın cənubunda 5,1 maqnitudalı zəlzələ qeydə alınıb.

BAKU.WS-in Qazaxıstan KİV-ə istinadən verdiyi məlumata görə, Avropa-Aralıq dənizi Seysmoloji Mərkəzi bildirir ki, yeraltı təkanlar martın 28-də, yerli vaxtla saat 15:56-da baş verib. Zəlzələnin ocağı 10 km dərinlikdə yerləşib.

Qazaxıstanın Fövqəladə Hallar Nazirliyi isə zəlzələnin episentrinin Qırğızıstan ərazisində olduğunu açıqlayıb. Hadisə nəticəsində xəsarət alan və dağıntılar barədə məlumat verilməyib.

Qeyd edək ki, martın 27-dən 28-nə keçən gecə bölgədə artıq bir zəlzələ baş vermişdi.