Qazaxıstanda 2 mindən çox məhkum azadlığa buraxıldı

Qazaxıstan hakimiyyəti ölkə Konstitusiyasının qəbul edilməsinin 30 illiyi münasibətilə imzalanan əfv fərmanı çərçivəsində 2 mindən artıq şəxsi azadlığa buraxıb.

BAKU.WS xəbər verir ki, Qazaxıstan Daxili İşlər Nazirliyinin Dövlət Penitensiar Xidmətindən bildirilib ki, əfv qərarı ümumilikdə 11 min məhkuma şamil olunub. Aparılan araşdırmalar nəticəsində probasiya nəzarətində olan şəxslər arasında qadınlar və yetkinlik yaşına çatmayanlar da daxil olmaqla 2888 nəfər cəzadan tam azad edilib.

Bununla yanaşı, 7600-dən çox məhkumun cəza müddəti azaldılıb. Əfv olunan şəxslərin cəmiyyətə reinteqrasiyasını asanlaşdırmaq məqsədilə onlar üçün məşğulluq imkanları, sosial və psixoloji dəstək, eləcə də məsləhət xidmətləri təşkil olunub.