Qardaşının sözlərinə görə Özcan Denizin başı yenidən bəlaya girdi

Son zamanlar ailəsi ilə yaşadığı konfliktə görə gündəmdən düşməyən müğənni Özcan Denizdən xəbər var.

BAKU.WS xəbər verir ki, bir neçə gün əvvəl villasında etdirdiyi qanunsuz tikililərə görə haqqında istintaq başladılan sənətçinin bu dəfə də vergiyə görə başı bəlaya girib.

Belə ki, Türkiyə Xəzinə və Maliyyə Nazirliyi ifaçı barədə araşdırmalara başlayıb. Buna səbəb müğənninin qardaşı Ercan Denizin onun gəlirini ifşa etməsi olub.

Ercan, Özcanın hər serialdan 2 milyon 250 min lirə qazandığını o cümlədən aylıq xərclərinin belə məbləğini açıqlayıb. Bütün bunlardan sonra Xəzinə və Maliyyə Nazirliyinin Vergi Təftiş Şurası aktyor barədə araşdırmalara başlayıb.