Putin Rusiya ordusunun döyüş hazırlığını yüksək qiymətləndirib

Prezident Vladimir Putin birbaşa efir zamanı bəyan edib ki, Rusiya Silahlı Qüvvələrinin (SQ) döyüş hazırlığı dünyada ən yüksək səviyyədədir.

"Rusiya ordusunun döyüş hazırlığı dünyada ən yüksək səviyyədədir. Eyni sözləri müdafiə-sənaye kompleksi (MSK) haqqında da demək olar", - deyə Rusiya lideri bildirib.

Onun sözlərinə görə, Rusiya SQ-nin nailiyyətləri, o cümlədən müdafiə sənayesinin inkişafı və yeni texnikanın mövcudluğu ilə bağlıdır.

Putin qeyd edib ki, faktiki olaraq bütün Şimali Atlantika Alyansı ölkələri Rusiya ilə müharibə aparır.

Həmçinin Putin bildirib ki, xüsusi hərbi əməliyyat zamanı Rusiya ordusu kvadrat kilometrlərlə əraziləri geri qaytarır. O vurğulayıb ki, Rusiya döyüşçüləri cəbhədə qəhrəmancasına döyüşür və ordunun imkanları artır.