Pakistan və İrandan bir milyon əfqan deportasiya edilib

Pakistan və İranın sərt miqrasiya siyasəti nəticəsində bu il bir milyona yaxın əfqan Əfqanıstana geri qayıtmağa məcbur olub.

BAKU.WS xəbər verir ki, Torkham sərhəd-keçid məntəqəsindən ölkəyə qayıdan ailələr qarşılaşdıqları ağır şəraitdən narahatdır. Onların bir çoxunun Əfqanıstanda evi və dolanışıq mənbəyi yoxdur.

BMT-nin məlumatına görə, son üç ildə Pakistan və İrandan Əfqanıstana qayıdanların ümumi sayı 6 milyona çatıb. Torkhamda yaradılan müvəqqəti düşərgələrdə geri qayıdanlara qısa müddətlik sığınacaq verilir.

Qeyd olunur ki, geri dönüşlər davam edir və xüsusilə qadınlar, uşaqlar və keçmiş təhlükəsizlik əməkdaşlarının gələcəyi ilə bağlı ciddi narahatlıqlar var.