Özbəkistan hava gəmisi təyyarəmizin qəzaya düşdüyü yerdə dövrə vurub, faciə qurbanlarını andı

Özbəkistan hava yollarına məxsus Daşkənd-Qroznı reysi üzrə hərəkət edən təyyarə, Aktau yaxınlığındakı faciə yerinin üzərində iki dövrə vurub.

BAKU.WS xəbər verir ki, qardaş ölkənin təyyarəçiləri, bununla faciə qurbanlarının xatirəsini anıblar.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.

Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb. Dekabrın 26-da Azərbaycana 14 yaralı və 4 nəfərin meyiti gətirilib. Dekabrın 29-da isə 3-ü ekipaj üzvü olmaqla 24 nəfərin nəşi ölkəyə gətirilib.