OpenAI yeni ChatGPT yeniləməsini təhlükəsizlik səbəbilə dayandırdı

OpenAI "Astra" adlı yeni model üzərində işlərin bir hissəsini onun yaratdığı potensial təhlükəsizlik risklərinə görə dayandırıb.

BAKU.WS xəbər verir ki, modelin avtonom kodlaşdırma və kibertəhlükəsizlik sahəsində yüksək nəticələr göstərdiyi bildirilib. Lakin testlər zamanı onun mövcud imkanlarının təhlükə yarada biləcəyi müəyyənləşib.

Şirkətin məlumatına görə, "Astra" kritik risk həddinə çatmış ola bilər. Bu səbəbdən model daha təcrid olunmuş mühitdə sınaqdan keçiriləcək və əlavə təhlükəsizlik tədbirləri tətbiq olunacaq.

OpenAI həmçinin modelin kibertəhlükələrə qarşı istifadəsini araşdırmaq və təhlükəsizlik testlərini gücləndirmək üçün müvafiq qurumlarla əməkdaşlıq edəcəyini açıqlayıb.