Ölümü şübhəli qalan aktrisanın nəşi Türkiyəyə polad tabutla göndəriləcək

Ölümünün şübhəli olduğu bilinən aktrisa Ahu Tuğbanın cənazəsi Türkiyəyə polad tabutda gətiriləcək.

BAKU.WS xəbər verir ki, prosedurlara görə, şəxsin ölüm səbəbi "şübhəli ölüm" kateqoriyasına aiddir.

Belə olan halda ABŞ rəsmiləri Ahu Tuğbanın cəsədinin ölkədən çıxarılmasına icazə vermir.

Sənədlər məhkəmə tibb mərkəzinin direktorunun imzası olmadan rəsmiləşmir. Bu səbəbdən Türkiyənin Mayamidəki Baş Konsulluğu cənazənin təhvil verilməsi üçün lazımi prosedurları həyata keçirə bilmir.

Ahu Tuğbanın cənazəsi məhkəmə tibb mərkəzinin müdiri məzuniyyətdən qayıtdıqdan və ekspertiza hesabatını imzaladıqdan sonra Türkiyəyə təhvil veriləcək.

Qalereya