Olimpiya çempionu Snayder fahişəliyə qarşı əməliyyatda saxlanılıb

Sərbəst güləş üzrə 2016-cı il Olimpiya çempionu amerikalı Kayl Snayder Kolumbusda fahişəliyə qarşı keçirilən əməliyyat zamanı həbs edilib.

BAKU.WS xəbər verir ki, bu barədə "New York Post" qəzeti məlumat yayıb.

Bildirilib ki, polis internetdə intim xidmətlər təklif edən saxta reklam yerləşdirib və sonra aldıqları cavablardan həbslər üçün istifadə edib. Snayder verilən nömrəyə zəng vurub və oteldə görüşməyi planlaşdırıb. Otelə çatan kimi o, gizli polisə pul verib və sonra həbs edilib.

O, mayın 19-da məhkəmə qarşısına çıxmaq üçün zaminə buraxılıb. Bildirilir ki, Snayder fahişəliyə qarşı aparılan əməliyyat çərçivəsində həbs edilən 16 kişidən biri olub.

Qeyd edək ki, Kayl Snayderin 29 yaşı var. 2016-cı ildə Rio-de-Janeyroda keçirilən Olimpiadada qızıldan əlavə, 2020-ci ildə Tokioda keçirilən Olimpiadada gümüş medal qazanıb. Snayder üçqat dünya çempionudur.