Olimpiadanın gümüş mükafatçısını küçədə it dişləyib

Rusiyalı üzgüçü Yuliya Efimova sahibsiz itin hücumuna məruz qalıb.

BAKU.WS xəbər verir ki, bu barədə "Match TV"yə idmançı məlumat verib.

"Mövsümün əvvəlində xoşagəlməz hadisə baş verdi. Məni sahibsiz it dişlədi, ona görə də məşq demək olar ki, bir aya təxirə salındı", - Efimova bildirib.

Efimova ikiqat Olimpiya gümüş mükafatçısıdır. Onun adına bir bürünc medal da var.

İyunun 26-da Beynəlxalq Üzgüçülük Federasiyası (Dünya Su İdmanı) Yuliya Efimovanı Paris Olimpiadasında iştirak etmək hüququndan məhrum edib.

2022-ci il fevralın sonunda Beynəlxalq Olimpiya Komitəsi beynəlxalq idman federasiyalarına müraciət edərək, Rusiya və Belarus idmançılarını heç bir yarışa buraxmamağı tövsiyə edib. 2023-cü ilin sonunda təşkilat rus və belarusların 2024-cü il Olimpiya Oyunlarına neytral idmançı kimi qəbul edilməsi barədə qərar qəbul edib. İştirak etmək üçün onlar bir sıra tələbləri yerinə yetirməli və vəsiqə qazanmalı idilər.

Paris Oyunları iyulun 26-dan avqustun 11-dək baş tutub.