Nyu-York həbsxanasında saxlanılan Maduro vəziyyətinin yaxşı olduğunu açıqlayıb

Nyu-York federal həbsxanasında həyat yoldaşı ilə birlikdə saxlanılan Venesuela prezidenti Nikolas Maduro vəziyyətinin yaxşı olduğunu bildirib. Bu barədə məlumatı onun oğlu Nikolas Maduro Gerra Fransanın "Le Monde" qəzetinə açıqlamasında verib.

BAKU.WS xəbər verir ki, Maduronun oğlu atasının sözlərini belə çatdırıb: "Hər şey qaydasındadır, biz döyüşçüyük". O əlavə edib ki, Maduro tərəfdarlarını ruhdan düşməməyə və vəziyyətin pis olmadığını bilmək üçün dəstəklənməyə çağırıb.

Qeyd olunur ki, Maduro və həyat yoldaşı Siliya Flores yanvarın əvvəlində ABŞ tərəfindən həbs edilərək Nyu-York federal məhkəməsinə gətirilib. Onlar narkotik və digər cinayətlərlə bağlı ittihamlarla üzləşirlər.