NASA kosmosa göndərdiyi siçanlarda sümük dəyişiklikləri aşkarladı

NASA-nın Beynəlxalq Kosmos Stansiyasına göndərdiyi siçanların bud sümüklərində ciddi zədələnmələr müşahidə edilib. Alimlər bunun mikroqravitasiyanın təsiri ilə bağlı olduğunu bildirirlər.

BAKU.WS xəbər verir ki, araşdırma sümük itkisinə kosmik radiasiyanın deyil, çəkisizlik şəraitində yükdaşıyan sümüklərin az hərəkət etməsinin səbəb olduğunu göstərib. NASA-nın məlumatına görə, astronavtlar kosmosda hər ay 1%-dən çox sümük sıxlığını itirirlər ki, bu da osteoporoza nisbətən 10 dəfə sürətlidir.

Alimlər astronavtların sümük sağlamlığını qorumaq üçün xüsusi məşqlərə ehtiyac duyduğunu vurğulayırlar. NASA, uzunmüddətli kosmik missiyalar üçün yeni qoruyucu tədbirlər planlaşdırır.