Mixael Şumaxerin bolidi hərracda 15 milyon dollara satıla bilər

"Ferrari" komandasının almaniyalı sabiq pilotu Mixael Şumaxerin dünya çempionatının son mövsümündə idarə etdiyi bolid hərraca çıxarılıb.

BAKU.WS xarici KİV-ə istinadən xəbər verir ki, bolid 15 milyon ABŞ dollarına satıla bilər.

Pilot bu avtomobillə 2006-cı ildə yarışıb və beş yarışı qazanıb.

Hərrac noyabrın 14-də Nyu-Yorkda təşkil ediləcək.

Xatırladaq ki, Şumaxer "Formula 1" üzrə çempionluq rekordunun həmsahibidir: o və britaniyalı Lyuis Hemilton 7 dəfə çempionluq yaşayıblar.

Pilot 1996-2006-cı illərdə "Ferrari"nin şərəfini qoruyub və komanda ilə 5 titul qazanıb.