Mineralnıye Vodı hava limanında iki təyyarə toqquşub

Rusiyanın Mineralnıye Vodı hava limanında iki biznes təyyarəsi bir-birinə çırpılıb.

BAKU.WS xəbər verir ki, bu barədə "Shot" telegram kanalı məlumat yayıb.

Bildirilib ki, onlardan biri çox güman ki, milyarder və Krasnodar diyarının keçmiş qubernatoru Aleksandr Tkaçevə məxsusdur.

Telegram kanalının məlumatına görə, toqquşma bir gün əvvəl baş verib. İddialara görə, üç sərnişin və dörd ekipaj üzvü olan Severo-Zapad aviaşirkətinə məxsus Legacy 600 təyyarəsi dayanacağa gəlib və artıq platformada dayanmış qanadı ilə digər Legacy 600-ə dəyib.

"Toqquşma nəticəsində dayanmış tərəfdə 30 sm uzunluğunda və 1,5 sm enində çat əmələ gəlib. Tələfat yoxdur", - nəşr yazır.