"Memati"dən "Kurtlar Vadisi" sevərləri məyus edən açıqlama

Türkiyənin ölkəmizdə də sevilən bir zamanların məşhir "Kurtlar Vadisi" serialında Memati obrazını canlandıran Gürkan Uyğun Qazaxıstan Respublikasının baş konsulu Nuriddin Amankulla görüşüb.

BAKU.WS Türkiyə KİV-ə istinadən xəbər verir ki, ikilinin görüşündə Türkiyə ilə Qazaxıstan arasında bədii layihələrin inkişafı ilə bağlı fikir mübadiləsi aparılıb.

Görüş zamanı baş konsul Nuriddin Amankul Gürkan Uyğuna "Kurtlar Vadisi yenidən çəkiləcəkmi?" sualını verib.

Ustad aktyor bu suala "Böyük büdcə və zəhmət tələb edir. Bundan sonra olacağını düşünmürəm. Onsuz da o dövrün başqa bir sehri var idi, əvvəllər edilməmiş bir şey etdik, tamaşaçı qarşısına başqa ssenari ilə çıxdıq, bunu da təkrarlamaq lazım olduğunu düşünürəm" deyə cavab verib.