Məktəbə silahlı hücum zamanı özünü şagirdlərinə sipər edən müəllim vəfat etdi

Türkiyənin Kahramanmaraş şəhərində məktəbə hücum zamanı şagirdləri silahlı şəxsdən müdafiə edən müəllim Ayla Kara həlak olub.

BAKU.WS xəbər verir ki, Ayla Kara şagirdlərini öz bədəni ilə qoruduqdan sonra dünyasını dəyişib. O ağır formada yaralanıb və yerləşdirildiyi xəstəxanada ölüb.

Onu da bildirək ki, Ayla Karanın ölüm xəbərini eşidən həyat yoldaşı da infarkt keçirib.

Xatırladaq ki, ötən gün Türkiyənin Kahramanmaraş şəhərində məktəbə silahlı hücum nəticəsində 9 nəfər ölüb, 14-ü yaralanıb. Ölənlərdən biri müəllim, səkkizi şagirddir.