Meksika sərhədində ABŞ-nin hərbi maşını qəzaya uğradı: 2 əsgər ölüb, 1 nəfər ağır yaralanıb

Meksika sərhədində baş verən yol-nəqliyyat hadisəsində ABŞ ordusuna məxsus hərbi maşın qəzaya uğrayıb.

BAKU.WS haberglobal-a istinadən xəbər verir ki, nəticədə 2 amerikalı əsgər həyatını itirib, 1 əsgər isə ağır yaralanıb.

ABŞ Şimali Qüvvələr Komandanlığının (NORTHCOM) yaydığı məlumatda bildirilir ki, 3 hərbçi daşıyan avtomobil Nyu Meksiko ştatının Santa Teresa bölgəsində qəzaya düşüb. Hadisə yerli vaxtla saat 08:50-də baş verib.

Ağır yaralanan əsgərin bölgədəki xəstəxanada müalicə aldığı bildirilir. Qəzanın səbəbi ilə bağlı araşdırma başladılıb.

Hadisədə ölən əsgərlərin adları onların ailələrinə məlumat verildikdən sonra açıqlanacaq.