Lukaşenko BMT-ni "səmərəsiz təşkilat" adlandırıb

Belarus Prezidenti Aleksandr Lukaşenko Birləşmiş Millətlər Təşkilatını "səmərəsiz qurum" adlandırıb.

BAKU.WS AZƏRTAC xəbər verir ki, onun sözlərini "BelTA" agentliyi yayıb.

"Birləşmiş Millətlər Təşkilatı – səmərəsiz bir təşkilatdır, heç bir məsələni həll etmir və etməyəcək", – deyə Belarus lideri bildirib.

Bununla belə, prezident qeyd edib ki, hazırda BMT-yə alternativ olan, dünyanın bütün dövlət nümayəndələrinin bir araya toplandığı başqa bir beynəlxalq təşkilat mövcud deyil.

Lukaşenkonun sözlərinə görə, BMT-nin fəaliyyətində "boş və heç kimə lazım olmayan tədbirlər" çoxdur, lakin real müdaxilə tələb edən mühüm məsələlər həllini tapmadan qalır.