Livanda İsrail hücumlarında ölənlərin sayı 886-ya çatdı

Livan Səhiyyə Nazirliyi bildirib ki, İsrailin ölkəyə həyata keçirdiyi hücumlarda 886 nəfər ölüb, 2 141 nəfər yaralanıb.

BAKU.WS xarici KİV-ə istinadən xəbər verir ki, ölənlər arasında 111 uşaq və 67 qadın var. Bombardman zamanı 38 səhiyyə işçisi həlak olub, 69 nəfər yaralanıb.

Fəlakət İdarəetmə Xidməti evlərini tərk etmək məcburiyyətində qalanların sayının 1 milyon 49 min 328 nəfərə çatdığını açıqlayıb. Yüz minlərlə insan təhlükəsiz bölgələrdəki müvəqqəti sığınacaqlara yerləşdirilib.