Kreml Ermənistanın Aİ-yə üzvlüklə bağlı qanun layihəsinə reaksiya verib

Rusiya prezidentinin mətbuat katibi Dmitri Peskov Ermənistanın Avropa İttifaqına (Aİ) üzv olmaqla bağlı qanun layihəsini şərh edərək bildirib ki, Aİ-yə üzvlük növbəsində onilliklər boyu dayanmaq mümkündür.

BAKU.WS xəbər verir ki, bu barədə rəsmi Kreml məlumat yayıb.

"Hələlik isə biz ondan çıxış edirik ki, Ermənistan Avrasiya İqtisadi İttifaqına (Aİİ) üzvlükdən və Avrasiya iqtisadi inteqrasiya proseslərindən faydalanmağa davam edir. Bu dividentlər kifayət qədər açıq-aydındır", – deyə Peskov qeyd edib.

O, Ermənistanın Aİ-yə qoşulmaq istəyini ölkənin suveren haqqı kimi qiymətləndirib.

Bundan əvvəl Ermənistan parlamentinin ölkənin Aİ-yə üzv olması ilə bağlı qanun layihəsini təsdiqlədiyi məlum olub.