Krasnodarda yerli sakinlər dağıstanlıların avtomobilinə hücum ediblər

Rusiyada şəhər sakinləri qafqazlıların olduğu avtomobilə hücum ediblər və hadisə video lentə alınıb.

BAKU.WS Rusiya KİV-nə istinadən xəbər verir ki, Krasnodar sakinləri içərisində qafqazlılar olan avtomobilə hücum ediblər. Baş verənlərin videosu Dağıstan mediasında yayımlayıb.

Kadrlarda şəhər sakinlərinin ağ "Jiquli" avtomobilinin yolunu kəsdikləri görünür. Daha sonra bir neçə nəfər şüşələri sındırmağa və qapıları qoparmağa başlayır. Hücum edən şəxslər avtomobili aşırırlar.

Kanalın məlumatına görə, avtomobildə Dağıstan sakinləri olublar. Hadisənin səbəbi barədə məlumat yoxdur, lakin paylaşımın müəllifi videoya düşən Krasnodar sakinlərini "nasist" adlandırır.