KİV: Region ölkələrinin neft obyektləri İranın hədəfləri arasında deyil

Region ölkələrinin neft obyektləri İranın hədəfləri arasında deyil.

BAKU.WS xəbər verir ki, bu barədə "Tasnim" xəbər agentliyi məlumat yayıb.

Bildirilib ki, regional ölkələrdəki neft obyektləri İranın hücum hədəfləri arasında yoxdur.

Mənbə eyni zamanda əlavə edib ki, regionun istənilən hissəsindəki bütün Amerika və İsrail maraqları İranın qanuni hədəfləri arasındadır və hamısı hücuma məruz qalacaq.

Məlumata görə, bu xəbər bazar ertəsi günü "Saudi Aramco" şirkətinin "Ras Tanura" neft emalı zavoduna dron hücumu nəticəsində yanğın baş verməsindən sonra verilib.

Səudiyyə Ərəbistanının şərq sahilində, Fars körfəzi boyunca yerləşən "Ras Tanura", krallığın əsas neft emalı və ixrac mərkəzlərindən biri kimi xidmət edir.