Kazan hava limanında müvəqqəti təhlükəsizlik məhdudiyyətləri qoyulub

Rusiyanın Tatarıstan vilayətinin paytaxtı Kazan şəhərində hava limanında müvəqqəti təhlükəsizlik məhdudiyyətləri tətbiq edilib.

BAKU.WS Federal Hava Nəqliyyatı Agentliyinə istinadən xəbər verir.

"Mülki uçuşların təhlükəsizliyini təmin etmək məqsədilə oktyabrın 3-də Moskva vaxtı ilə səhər saat 6:00-dan (GMT 3:00) Kazan hava limanında müvəqqəti məhdudiyyətlər tətbiq edilib. Həm gəlişlər, həm də uçuşlar dayandırılıb", - məlumatda deyilir.

Aviasiya idarəsi əlavə edib ki, aviasiya ekipajları, hava hərəkəti dispetçerləri və hava limanının xidmətləri uçuşların təhlükəsizliyini təmin etmək üçün lazımi tədbirlər görür.