İsrailin XİN rəhbəri: İranla heç bir təmas yoxdur, məqsədlərimizdən geri çəkilməyəcəyik

İsrail xarici işlər naziri Gideon Saar bildirib ki, rəsmi Təl-Əviv İranla heç bir şəkildə danışıqlar aparmır və aparmaq niyyətində də deyil.

O, bu fikri ölkədə akkreditə olunmuş təxminən 30 ölkənin səfiri ilə keçirdiyi görüş zamanı səsləndirib.

İsrail mediasının məlumatına görə, Gideon Saar diplomatlarla İranın raket hücumlarına məruz qalan ərazilərdən birində görüş keçirib.

Nazir bəyan edib ki, İsrail öz milli maraqları və təhlükəsizliyini təmin etmək istiqamətində geri çəkilmədən sonadək mübarizə aparacaq.