İsrail Beyrutun mərkəzinə hücum etdi

İsrail təyyarələri Livanın paytaxtının mərkəzi hissəsindəki məhəlləyə zərbələr endirib.

BAKU.WS TASS-a istinadən xəbər verir ki, bu barədə Livanın Mülki Müdafiə Xidməti məlumat yayıb.

Qeyd edilib ki, İsrail təyyarələri Beyrutun mərkəzindəki "Aishat Bakkar" məhəlləsinə bir neçə yerdən zərbələr endirib.

Raketlər çoxmərtəbəli binaya dəyib və tikilini alovlandırıb. Hadisə yerinə yanğınsöndürənlər və təcili yardım maşınları gəlib.

Məlumata görə, təyyarənin hədəfi, şiə yaraqlı qrupu Hizbullahın üzvü olub.

"Aishat Bakkar" sakinləri əvvəlcədən evlərindən təxliyə edilməyib. Hazırda məhəllədə son günlərdə Livanın cənubundan gələn xeyli sayda qaçqın yaşayır.