İsrail Beyrutun cənub kənarında dörd bölgəyə hücum edib

İsrail Hərbi Hava Qüvvələrinin qırıcıları günorta saatlarında Livan paytaxtının cənubunda Hizbullahın ofislərinin yerləşdiyi bir neçə binaya raket zərbələri endirib.

BAKU.WS Rusiya KİV-ə istinadən xəbər verir ki, əvvəllər qalan sakinlərin təxliyə olunduğu Qobeyri, Ruveys, Haret-Horeik və El-Mreyc məhəllələrinə hava hücumları həyata keçirilib.

"Biz bir-birinin ardınca gələn çox güclü partlayışlar eşitdik", - deyə hadisə şahidlərindən biri bildirib.

Onun sözlərinə görə, İsrailin hərbi hava qüvvələri və pilotsuz təyyarələri Beyrut səmasını tərk etmir:

"Biz gözləyirik ki, daha bir basqın olacaq, İsrail komandanlığı bu barədə əhalini xəbərdar etdi".

Ardıcıl üçüncü gündür ki, İsrail təyyarələri gündüzlər Beyruta hava hücumları həyata keçiriblər, onlar artıq cümə axşamı səhərdən şəhəri iki dəfə bombalayıblar.