İranda toyda atışma olub, üç nəfər ölüb, dörd nəfər yaralanıb

İranın Kermanşah əyalətinin Sərfiruzabad rayonunda toyda atışma nəticəsində üç nəfər ölüb, dörd nəfər yaralanıb.

"Report" "Mashrek"ə istinadən xəbər verir ki, bu barədə Kermanşah Şəhər Polis İdarəsinin rəisi Məhəmməd Rza Yari bildirib.

Onun sözlərinə görə, atəşlər nəticəsində iki kişi, bir qadın ölüb, dörd nəfər isə yaralanıb. Yaralılar xəstəxanaya yerləşdirilib.

Hadisənin şəraiti və səbəbi araşdırılır.